សេចក្តីជូនដំណឹង ការប្រារព្ធទិវាជាតិសហគ្រាសធុនមីក្រូ តូច និងមធ្យម លើកទី៣ ឆ្នាំ២០២៦

ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានកិត្តិយសសូមជម្រាបជូនដំណឹងដល់តំណាងក្រសួង-ស្ថាប័ន ស្ថានទូត ដៃគូអភិវឌ្ឍន៍ សមាគមអាជីវកម្ម និងម្ចាស់សហគ្រាសធុនមីក្រូ តូច និងមធ្យម (MSMEs) ទាំងអស់ឱ្យបានជ្រាបថា៖ ក្រសួងនឹងរៀបចំប្រារព្ធ «ទិវាជាតិសហគ្រាសធុនមីក្រូ តូច និងមធ្យម លើកទី៣ ឆ្នាំ២០២៦» ក្រោមប្រធានបទ «សាងស្ពានសម្រាប់ MSMEs ឆ្ពោះទៅកាន់ទីផ្សារ – Bridging MSMEs to Market»។

ព្រឹត្តិការណ៍ថ្នាក់ជាតិនេះ រៀបចំឡើងក្នុងគោលបំណងបញ្ជ្រាបការយល់ដឹងអំពីយន្តការគាំទ្រ និងលក្ខណៈសម្បត្តិនានាសម្រាប់ MSMEs ក្នុងការឈានចូលទីផ្សារ ពង្រឹងការតភ្ជាប់រវាងអ្នកផលិត និងអ្នកចែកចាយ ព្រមទាំងផ្តល់វេទិកាពិភាក្សាដោះដូរយោបល់ដើម្បីពង្រឹងសមត្ថភាពប្រកួតប្រជែងនៅក្នុងខ្សែច្រវាក់ផ្គត់ផ្គង់។

កម្មវិធីអមសំខាន់ៗរួមមាន៖

— ពិធីចុះហត្ថលេខាលើអនុស្សរណៈនៃការយោគយល់គ្នា (MoU Signing)

— ការប្រកាសដាក់ឱ្យដំណើរការគម្រោងនានា (Project Announcements)

— វេទិកាពិភាក្សាស្តីពី

«ការសាងស្ពាន MSMEs ទៅកាន់ទីផ្សារ»

«លក្ខណៈតម្រូវសម្រាប់ MSMEs ផ្គត់ផ្គង់ទៅទីផ្សារ ដើម្បីចូលក្នុងខ្សែច្រវាក់ផ្គត់ផ្គង់»

«មូលដ្ឋានសម្រាប់ MSMEs ដើម្បីក្លាយជាដៃគូទុកចិត្តក្នុងខ្សែច្រវាក់ផ្គត់ផ្គង់»

— ការផ្តល់ប្រឹក្សាយោបល់ និងការផ្គូរផ្គងអាជីវកម្មសម្រាប់ MSME (MSME advisory and business matching)

— ការតាំងបង្ហាញពីខ្សែច្រវាក់ផលិតកម្មនៃផលិតផល MSMEs

សូមរង់ចាំតាមដានព័ត៌មានបច្ចុប្បន្នភាព និងរបៀបវារៈលម្អិតនៃកម្មវិធីនៅលើទំព័រ KhmerSME។

នវានុវត្តន៍

ការគាំទ្រដល់នវានុវត្តន៍ចំពោះសហគ្រាសធុនតូច និងមធ្យម អាចជួយជំរុញកំណើនសេដ្ឋកិច្ចជាតិ ដោយបង្កើនផលិតភាព និងកាត់បន្ថយគម្លាតប្រាក់ឈ្នួលរវាងសហគ្រាសធុនតូច និងមធ្យម និងក្រុមហ៊ុនធំៗ។ ..