យោងតាមរបាយការណ៍របស់អគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទ បានបង្ហាញថា ក្នុងរយៈពេលពីរខែដំបូងនៃឆ្នាំនេះ កម្ពុជាបាននាំចេញកសិផលប្រមាណ ១,៨៣៥,៤៧៥ តោន ទៅកាន់៥២ប្រទេស ជុំវិញពិភពលោក។
តួលេខនេះបានបង្ហាញពីការកើនឡើងចំនួន ១៥៩,៣៣១ តោន ឬ ៩.៥១ ភាគរយ បើធៀបនឹងរយៈពេលដូចគ្នានៃឆ្នាំ២០២១។
យោងតាមរបាយការណ៍ ផលិតផលកសិកម្មដែលបាននាំចេញរួមមានអង្ករចំនួន ១០៣,០៥៨ តោន កើនឡើង ៣៥.២១ ភាគរយ ធៀបនិងឆ្នាំមុន និងស្រូវ ៦៥១,១០១ តោន កើនឡើង ១៦.៤៧ ភាគរយ។
ក្រៅពីនេះរបាយការណ៍បានឲ្យដឹងទៀតថា ផលិតផលកសិកម្មក្រៅពីស្រូវមានចំនួន ១,៣១៨,៦៤២ តោន កើនឡើង ០,៥០ ភាគរយ។
សម្រាប់អត្ថបទដើម សូមចូលទៅកាន់ដំណភ្ជាប់នេះ
ដោយ៖ ខ្មែរថាមស៍
ព័ត៌មាន៖ ខ្មែរថាមស៍
កាលបរិច្ឆេទបោះពុម្ពផ្សាយ៖ ថ្ងៃទី០២ ខែមីនា ឆ្នាំ២០២២
