សហគ្រាសធុនតូច និងមធ្យម (SMEs) ជាង ៣០០ បានដាក់ពាក្យដើម្បីស្នើលក់ផលិតផលនៅលើគេហទំព័រពាណិជ្ជកម្មកម្ពុជា ដែលជាទីផ្សារអនឡាញដែលផ្តួចផ្តើមដោយក្រសួងពាណិជ្ជកម្ម។
ក្រសួងបានទទួលពាក្យសុំចំនួន ៣២៥ គិតត្រឹមថ្ងៃទី ១៥ ខែវិច្ឆិកា។
ពាក្យសុំជាង ៧៣ បានឆ្លងកាត់ការត្រួតពិនិត្យទាំងអស់ ហើយមានសិទ្ធិដាក់តាំងផលិតផលនៅលើទីផ្សារ។ ចំណែកឯពាក្យសុំដែលនៅសេសសល់កំពុងស្ថិតក្រោមការត្រួតពិនិត្យចុងក្រោយ នេះបើតាមលោក ប៉ែន សុវិជាតិ អ្នកនាំពាក្យក្រសួង។
លោកបានបន្តថាអ្នកដាក់ពាក្យភាគច្រើនគឺនៅក្នុងវិស័យកសិឧស្សាហកម្ម សិប្បកម្ម អាហារនិងភេសជ្ជៈកែច្នៃ និងឧស្សាហកម្មវាយនភណ្ឌ។
លោកថា ក្រុមការងាររបស់ក្រសួងកំពុងដោះស្រាយបញ្ហាបច្ចេកទេសតិចតួច ដែលភាគច្រើនទាក់ទងនឹងបញ្ហាដឹកជញ្ជូន។
លោកនិយាយថា៖ «ដោយសារបញ្ហាបច្ចេកទេសពាណិជ្ជកម្មកម្ពុជាត្រូវបានពន្យារពេលបន្តិច ហើយក្រសួងចង់ធានាថារាល់ទំនិញដែលអតិថិជនបញ្ជាទិញនឹងត្រូវបានដឹកជញ្ជូនត្រឹមត្រូវ និងសុវត្ថិភាព»។
លោកបន្តថា៖ «យើងនឹងព្យាយាមពន្លឿន និងបើកដំណើរការពាណិជ្ជកម្មកម្ពុជាក្នុងពេលឆាប់ៗនេះ»។
ក្រសួងគ្រោងនឹងបើកដំណើរការទីផ្សារអេឡិចត្រូនិកក្នុងខែតុលា បន្ទាប់ពីឈានដល់កិច្ចព្រមព្រៀងជាមួយក្រុមហ៊ុនដឹកជញ្ជូនក្នុងស្រុក និងក្រុមហ៊ុនប្រព័ន្ធទូទាត់។
សម្រាប់អត្ថបទទាំងស្រុង សូមចូលទៅកាន់តំណភ្ជាប់នេះ
ដោយ: ជា វណ្ណយុទ្ធ
ព័ត៌មាន: ខ្មែរថាមស៍
កាលបរិច្ចេទបោះពុម្ពផ្សាយ: ១៨ វិច្ឆិកា ២០២១
