ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន៥០ លានដុល្លារ ក្នុងគោលបំណងជួយដល់រដ្ឋាភិបាលកម្ពុជា ដើម្បីធ្វើពិពិធកម្មសេដ្ឋកិច្ចរបស់ប្រទេស និងជំរុញការប្រកួតប្រជែងជាសាកលរបស់ខ្លួន។

ប្រាក់កម្ចីនេះនឹងជួយដល់ការស្តារសេដ្ឋកិច្ចក្រោយកូវីដ-១៩របស់កម្ពុជា ដោយគាំទ្រដល់កំណែទម្រង់របស់រដ្ឋាភិបាល ដើម្បីបង្កើនការវិនិយោគ និងបរិយាកាសធុរកិច្ច ព្រមទាំងជំរុញកំណើនរបស់សហគ្រាសធុនតូច និងមធ្យម (MSMEs) និងកែលម្អគោលនយោបាយពាណិជ្ជកម្ម និងការសម្របសម្រួលពាណិជ្ជកម្ម។

វិស័យ​កាត់​ដេរ​បានរួម​ចំណែក​យ៉ាង​សំខាន់​ដល់​សេដ្ឋកិច្ច​របស់​កម្ពុជា។ ក្នុងអំឡុងពេលដប់ខែដំបូងនៃឆ្នាំនេះ កម្ពុជាបានកត់ត្រាការកើនឡើង ១៨.៥% នៃការនាំចេញសម្លៀកបំពាក់។

ទិន្នន័យរបស់អគ្គនាយកដ្ឋានគយ និងរដ្ឋាករកម្ពុជានៃក្រសួងសេដ្ឋកិច្ច និងហិរញ្ញវត្ថុបង្ហាញថា ការនាំចេញសម្លៀកបំពាក់មានចំនួន ៧,៧៥ ពាន់លានដុល្លារ ក្នុងរយៈពេលពីខែមករាដល់ខែតុលា ដែលកើនឡើងចំនួន ៦,៥៤ ពាន់លានដុល្លារកាលពីឆ្នាំមុន។

តួរលេខនៃការនាំចេញតំណាងឱ្យប្រហែល ៤១.៣% នៃប្រាក់ចំណូលបរទេសសរុបរបស់កម្ពុជាចំនួន ១៨.៧៥ ពាន់លានដុល្លារសម្រាប់រយៈពេលនេះ។

ទោះយ៉ាងណាក៏ដោយសម្រាប់ខែតុលា ការនាំចេញបានធ្លាក់ចុះដោយសារតែតម្រូវការតិចពីទីផ្សារពិភពលោក។

សេដ្ឋវិទូជាន់ខ្ពស់របស់ ADB លោក Sion L. Morton បាននិយាយថា “ជំងឺរាតត្បាតកូវីដ-១៩ បានជះឥទ្ធិពលយ៉ាងធ្ងន់ធ្ងរដល់វិស័យសំខាន់ៗនៃសេដ្ឋកិច្ចកម្ពុជា ដូចជាវិស័យកាត់ដេរ ស្បែកជើង និងវិស័យវាយនភណ្ឌ ក៏ដូចជាទេសចរណ៍ និងសំណង់”។

“កំណែទម្រង់ក្រោមកម្មវិធីនឹងជួយដល់ការស្តារឡើងវិញក្រោយជំងឺរាតត្បាតរបស់កម្ពុជា តាមរយៈការត្រួសត្រាយផ្លូវសម្រាប់អាជីវកម្ម បង្កើនសង្វាក់ផលិតកម្មកែឆ្នៃ និងសម្របខ្លួនទៅនឹងទិដ្ឋភាពពាណិជ្ជកម្មដែលកំពុងផ្លាស់ប្តូរ។

ប្រាក់កម្ចីដែលជាផ្នែកមួយនៃកម្មវិធីពាណិជ្ជកម្ម និងការប្រកួតប្រជែង នឹងជួយកែលម្អបរិយាកាសធុរកិច្ចទាំងមូលសម្រាប់ក្រុមហ៊ុនក្នុងស្រុក និងក្រុមហ៊ុនបរទេសដែលកំពុងប្រតិបត្តិការនៅកម្ពុជា។

សម្រាប់អត្ថបទទាំងស្រុង សូមចូលទៅកាន់តំណភ្ជាប់នេះ

ដោយ៖ Just Style.com

ព័ត៌មាន៖ ខ្មែរ ថាមស៍

កាលបរិច្ឆេទបោះពុម្ភផ្សាយ៖ ថ្ងៃទី៨ ខែឆ្នូ​ ឆ្នាំ២០២២